يا سائلٍ عني ترى خاطري ضاق
تساوت غداريها بليله به نجوم
اقاسي الاهات يوم الردى باق
اقاسي الاهات يوم بأثر يوم
حتى الصبر ياخوك ما عاد ينطاق
صبري تعدا الحد واخشى من اللوم
لا بغيت ادله واحسب ان خاطري راق
تنتأبني هـواجــيــس كنها حلووم
هواجيسي توارد عجلات السباق
بين الضلوع اقاسيها يوم بيوم
كني اسير يطلب الله الا عتاق
خلوه ربعه وقفوا به القوم
يابو سلمان ما ودي بكشف الاوراق
وابوح بسرٍ بين الاضلاع مضموم
لا شك حالي يا فتي الجود ينباق
واصبحت انا في حيره دايم الدوم
الي عزيــــــــــــته شفت انا منه مالاق
والي شريته هو بغاني باول السووم
واليوم انا حالي يستحق الاشفاق
ممن اوده صرت انا اليوم مضيوم
شربت انا من صافي السم ترياق
ولا ادري اني اشرب الكاس مسموم
دنيا بلاويها كما ضرب الاعناق
تشيب الي توه اليوم مفطوم
دنياك يفوز بها من الناس بواق
وراعى الشهامه اصبح اليوم مذموم
اشوفها اتشكل اشكال وارناق
واشوفها صارت غرابيل وعلوم
اشوف لي ناسٍ بلا خلق واخلاق
ما كنها اجوادٍ لها نهج وسلوم
وهذاك طويرٍ بالجناحين صفاق
يا له من وقعه لو كثر الحوم
والليل بينجلي مع شمس الاشراق
والنايم لابد من انه يصحى من النوم
هذا ضرف مع الايام تنساق
دورتها لابد لنا بها يوم
ترجع ايامٍ ماضيات لنا عتاق
يوم ان الحر ما يتعشا من البوم
يالله يالمعبود قسام الارزاق
وانت الذي علمه علا كل معلوم
وصلاة ربي عداد ما لاح براق
على نصيب صفوه الخلق معصوم
![ஜ]¦[‗ـ−مـنـتـديـات قـمـر الـكـويـت−ـ‗[¦]ஜ](https://2img.net/s/t/10/35/62/i_logo.jpg){kind=logo}
الإثنين مارس 17, 2008 4:10 pm
