الله يرحم الي اخترع المكيف !!

قعدت أفكر تفكير عميق في المكيف
وفجأة طفت علينا المكيف بالشاليه..ومثل ما قالوا ما يعرف قيمة الشي الا اللي افقده
وعشنا ليلة الله يعلم شلون قضيناها بدون مكيف..وبعدين كملت هذيك الاربع ابيات وسويتها قصيدة
اللي الحين بتقرونها وأبي آراءكم بكل صراحة...

هبت هبوب الشعر عقب التوني
ونجر المشاعر في وسط خافقي دن
من بعد طول غياب للقاف عني
قررت أنا عقب البطا أفتح اللن
شاعر!!ولكن القوافي جفني!!!
أيام طالت لين ما هاجسي جن!!

واليوم غصن القاف جاك متدني
من شاعر(ن) أصغر تلاميذه الفن!!
أفكار شعره ما عزفها المغني
حيثه على بكر التفاكير يفتن
والحين باحمس فكرتي حمس بني
والفظ بيوت(ن) وزنها الواحد ب طن!!

يا صاحبي وان كانك بتمتحني
اسمع تفلسف شاعر(ن) نمرته One

بعلمك منهو علينا يحني
اللي حنانه ما تعداه من حن
أحن من منهي لكفه تحني
واحن من منهو على غيبتك ون
واحن من أم(ن) مساها توني
إن كان في رجليك شوك الفلا جن

ذاك (المكيف) يحسن وما يمني!!
لو كان بعض الناس في مدته من
إن عشت صيفك بالبراد متهني
أنا اشهد انه ما تعداه من حن

والسلام ختام...

انشالله تعجبكم القصيده ترى هذي ابيات من عندي وعطوني رايكم فيها الله يرحمه والله ما قصر الي اخترعا تخيلو ان ما عندكم الحين مكيف بهل حر حر الصيف ولك تموتون وانتو صايحين والله احلف انها ابياتي ابي رايكم يا اعضاء