]׃[×على طاري الجـروح إللـي تفـزِّزْ بالحنيـن اجـروح×]:[

حينما يكون للحزن مكان يسكن فيهـ .. فأعتقد انهـ قد سكن حنايا روحي

واستوطن قلبي.. وماهذهـ القصيدهـ.. الا شعور متدفق.. قد نثرتهـ

لعلي اشفي غليلي .. بهـ




على طاري الجـروح إللـي تفـزِّزْ بالحنيـن اجـروح

و ( دمع ٍ ) هَيَّضَهْ ( دمع ٍ ) و ( هَم ٍ ) ما انوجدْ زَيَّـه

.. ..

رجفْ قلب المِسا – لحظةْ - خَنَقْ كَفْ المُواجع ( روح )

و ذاب امن الحزن ( فجر ٍ ) فَزَعْ مـن فَـزَّة ( بنيَّـه )

.. ..


على ( انقاض ) الفرح فاقت.. لِقَتْ (طِفل الحلم) مذبوح

يلـوِّنْ دَمَّـه الطاهِـر جنـون ( الواقـع ) وْ غَـيَّـه

.. ..


جَرَت ْ.. تجمع شتات الحلم وُ تَحْضِنه ابعشق مفضـوح

لقت وجه ( الصُّبح ) دامي يصيح امن الألم ( ضيَّـه )

.. ..


بكَتْ .. تِسترحِمْ الواقـع يـداوي صُبحهـا المجـروح

خَذَلها .. و زَوَّد اجروح الصباح - ابقسوتهْ - .. كَيَّـه

.. ..


ألا يا ( حِزنها ) كافي .. تترجم و الشقى مشـروح !!

تِأجِّـجْ جمـرة اشـواق ٍ بوسـط اضلوعهـا حَـيَّـه

.. ..


شِكيتْ او ما شِكيتْ .. او ( هي ) شِكتْ آلامها بوضوح:

( إذا مات الشجر مَحْـدٍ يـدَوِّرْ فـي العَـزى فَيَّـه )

.. ..


قصيدي .. يا قصيدي .. لا تِحاول .. ما يفيـد البـوح

تفاصيـل الحـزن أكبـر مـن اللـي تكتـب ايْـدَيَّـه

.. ..


و لكنِّي على طـاري الجـروح إللـي تِقِـض اجـروح

بكيت .. و خَطَّت ادموعي ( حروفـي المُبْهَمَـه ذِيَّـه )